КХДР бошқа давлатлар томонидан провокациялар содир бўлган тақдирда, дарҳол ядро қуроли билан жавоб қайтаради. Бу ҳақда мамлакат етакчиси Ким Чен Ин маълум қилди, деб хабар бермоқда Шимолий Корея марказий ахборот агентлиги.
Ким Чен Ин бир кун аввал, 20 декабрь куни “Хвасон-18” қитъалараро баллистик ракетасини учириш бўйича машғулотларда қатнашган. Ракета бош бошқармаси ҳарбий хизматчилари билан учрашиб, уларни муваффақият билан табриклади.
“Ҳарбий ҳаракатлар ядро стратегияси ва доктринаси эволюциясини намойиш этди, унга кўра, агар душман провокация уюштирса, КХДР ядровий ҳужум қилишга иккиланмайди”, — деди у.
2022 йил сентябрида Шимолий Корея қонуний асосда ўзини “ядровий давлат” деб эълон қилганди.
Мамлакатда “Ядро қуроли сиёсати” деб номланган фармон қабул қилинди. Унга кўра, мамлакат оммавий қирғин қуроллари қўлланган ҳолда ҳужум уюштирилган ёки ҳужум таҳдиди юзага келган тақдирда, ядровий зарба билан жавоб қайтаради.
Изоҳ (0)