Олий Рада иккинчи ўқишда Украинада тиббий каннабисни қонунийлаштириш учун овоз берди. 7457-сонли қонун лойиҳаси 248 овоз билан қабул қилинди. Бу ҳақда “РБК Украина” хабар берди.
Украинада тиббий каннабисни қонунийлаштириш зарурлиги ҳақидаги оммавий мунозаралар 2016 йилдан бери давом этмоқда. Мамлакат президенти Владимир Зеленский 2019 йилги сайловолди ташвиқотида бу ташаббусни қўллаб-қувватлашини айтганди.
Олимлар, шифокорлар, психологлар ва беморлар уюшмалари тиббий каннабисни қонунийлаштиришни ёқлаб чиқди. Уруш бошланганидан бери фаоллар ҳам каннабисдан фойдаланиш травмадан кейинги стресс бузилиши (ПТСД) билан оғриган одамларга ёрдам бериши мумкинлигини айтишни бошлади.
Эндиликда қонун лойиҳаси қабул қилинганидан кейин ҳукуматга олти ой муддат берилади, бу муддат давомида ушбу қонуннинг ишлаши учун барча қонуности ҳужжатлари ва фармойишлар ишлаб чиқилади. Тиббий каннабис фақат электрон рецепт билан чиқарилади ва эркин сотилмайди. Қонун лойиҳаси рекреацон каннабисни (оддий сўзлар билан айтганда, “завқ” учун ишлатиладиган каннабис) тақиқлайди. Шу билан бирга, каннабисдан тиббий мақсадларда фойдаланиш кенг тарқалган жаҳон амалиётдир.
Изоҳ (0)