Шимолий Корея Американинг USS Ronald Reygan авиаташувчи кемаси Пусан портига келгани муносабати билан Корея ярим оролида жойлашган АҚШнинг стратегик нишонларига зарба бериш билан таҳдид қилди. Бу ҳақда 13 октябрь куни Yonhap агентлиги хабар берди.
“Бизнинг зудлик билан биринчи ва энг кучли зарбамиз Корея ярим ороли ҳамда унинг атрофидаги АҚШ йирик базаларига қаратилади. АҚШ ўз сунъий йўлдошлари учун “психотроп агент” сифатида қўллаётган “кенгайтирилган тийиб туриш” имкониятлари ҳақида айтмаса ҳам бўлади”, — дейилади Пхеньян нинг Корея марказий ахборот агентлиги томонидан эълон қилинган баёнотида.
Ҳарбий кема Жанубий Кореяга 12 октябрь куни АҚШ, Жанубий Корея ва Япония иштирокидаги уч томонлама ҳарбий-денгиз машқларидан сўнг етиб келган. Кема ташрифи Вашингтоннинг ярим оролдаги стратегик активларини янада кучли кўрсатиш мажбуриятининг бир қисмидир.
КХДР “АҚШнинг йирик стратегик активлари ўта хавфли сув ҳудудига киргани” ҳақида огоҳлантирди.
“АҚШнинг ҳарбий тўқнашув эҳтимоли мавжуд бўлган Корея ярим оролига турли ядровий стратегик қуролларни мунтазам юбориши қайтариб бўлмас ҳалокатга олиб келадиган очиқ ҳарбий провокациядир”, — деб таъкидлади Пхеньян .
Шимолий Корея, шунингдек, ўзига қарши ядровий ҳужум яқинлашмоқда деб ҳисоблаган тақдирда, ядровий қуролдан профилактик тазрда фойдаланишини билдирди.
Изоҳ (0)