KXDR boshqa davlatlar tomonidan provokatsiyalar sodir bo‘lgan taqdirda, darhol yadro quroli bilan javob qaytaradi. Bu haqda mamlakat yetakchisi Kim Chen In ma’lum qildi, deb xabar bermoqda Shimoliy Koreya markaziy axborot agentligi.
Kim Chen In bir kun avval, 20-dekabr kuni “Xvason-18” qit’alararo ballistik raketasini uchirish bo‘yicha mashg‘ulotlarda qatnashgan. Raketa bosh boshqarmasi harbiy xizmatchilari bilan uchrashib, ularni muvaffaqiyat bilan tabrikladi.
“Harbiy harakatlar yadro strategiyasi va doktrinasi evolyutsiyasini namoyish etdi, unga ko‘ra, agar dushman provokatsiya uyushtirsa, KXDR yadroviy hujum qilishga ikkilanmaydi”, — dedi u.
2022-yil sentyabrida Shimoliy Koreya qonuniy asosda o‘zini “yadroviy davlat” deb e’lon qilgandi.
Mamlakatda “Yadro quroli siyosati” deb nomlangan farmon qabul qilindi. Unga ko‘ra, mamlakat ommaviy qirg‘in qurollari qo‘llangan holda hujum uyushtirilgan yoki hujum tahdidi yuzaga kelgan taqdirda, yadroviy zarba bilan javob qaytaradi.
Izoh (0)