Араб давлатлари ҲАМАСга қарши урушда Исроилни яширинча қўллаб-қувватламоқда. Бу ҳақда Bild хабар берди.
Британиянинг Economist журнали ва Исроилнинг Haaretz газетаси шундай маълумот берган. Омма олдида араб давлатлари ҳукумати Исроилни қоралаши ва шу билан жамоатчилик фикрига эргашиши айтилади.
“Ёпиқ эшиклар ортида уларнинг кўпчилиги, жумладан, Форс кўрфази давлатларининг аксарияти Исроилга урушни охиригача олиб бориш ва ҲАМАСни мағлуб этиш истагини билдирди. Улар ҲАМАСни ўз кучлари учун ички сиёсий хавф деб ҳисоблайди”, — дейилади хабарда.
Ноябрь ойи ўрталарида Ар-Риёдда Араб давлатлари лигаси ва Ислом ҳамкорлик ташкилотига аъзо 50 дан ортиқ давлат раҳбарларининг учрашуви бўлиб ўтди. Эрон етакчилари ва бошқа бир қатор сиёсатчилар ҲАМАСга қурол етказиб бериш ва Исроилга қарши санксиялар жорий этишни талаб қилмоқда.
Бироқ иккала таклиф ҳам рад этилган. Саудия Арабистони каби баъзи давлатлар ҳам 1973 йилда “Қиёмат куни уруши”да бўлгани каби нефтни қурол сифатида ишлатишдан бош тортган.
Изоҳ (0)