Эрон ҳукумати Исроил ва ҲАМАС ўртасидаги урушда бевосита иштирок этиш ниятида эмас, аммо мамлакат ҳаракат аъзоларини “сиёсий ва маънавий” жифатдан қўллаб-қувватлашни давом эттиради. Бу ҳақда Reuters агентлиги ҳар икки тарафнинг вакили бўлган уч нафар амалдорга таяниб хабар берди.
Қайд этилишича, ноябрь бошида ҲАМАС етакчиси Исмоил Хония билан ноябрь бошида учрашган Эрон олий раҳномоси Оятуллоҳ Али Хоманаий унга аниқ мақсадини айтган: “сизлар 7 октябрь куни Исроилга ҳужум қилмоқчи эканликлариз ҳақида бизни огоҳлантирмадингиз ва биз номингиздан урушга қўшилмаймиз”.
Агентликнинг ҲАМАСдаги манбасига кўра, ўша учрашувда Эрон етакчиси суҳбатдошига босим ўтказиб, Эрон ва Ливаннинг “Ҳизбуллоҳ” гуруҳини Исроилга қарши урушга тўлиқ кучлари билан қўшилишга чақираётган фаластинликлар овозини ўчиришга чақирган.
Таъкидланишича, “Ҳизбуллоҳ” ҳам ҲАМАСнинг Исроилга қарши ҳужумидан бехабар бўлган. Гуруҳга алоқадор манбаларнинг айтишича, ҲАМАС Исроилга ҳужум уюштирган кунда гуруҳ аъзолари чегара яқинида бўлмаган, шу боисдан уларни фавқулодда чақиришга тўъри келган.
Мазкур вазиятга қарамай, Эрон ўз қуролли гуруҳлари, жумладан, “Ҳизбуллоҳ” орқали АҚШ ва Исроилнинг Яқин Шарқдаги нишонларига ракета ҳамда дронлар орқали ҳужумларини давом эттириш ниятида.
Аввалроқ Эрон президенти Иброҳим Раисий ноябрь ойи бошида ҲАМАС сиёсий бюроси раҳбари Исмоил Ҳания билан учрашувда ҳаракат вакилларидан Теҳрон ва Ливаннинг “Ҳизбуллоҳ” партиясига мурожаат қилиб, Исроил билан урушга киришиш ҳақидаги оммавий чақириқларни бас қилишни талаб қилганди.
Изоҳ (0)