Яман ҳусийлари Либерия байроғида ҳаракатланаётган Германиянинг Hapag-Lloyd компаниясининг контейнер ташувчи кемасига ҳужум қилди. Бу ҳақда Reuters хабар берди.
АҚШ мудофаа расмийсининг айтишича, юк кемаси Яманнинг ҳусий назорати остидаги ҳудудидан отилган снаряд билан урилган. Шундан кейин кемада ёнғин чиққан. Германия—Исроил Жамияти (DIG) президенти Фолкер Бек немис кемасига қилинган ҳужум “Германия ҳужумга учраганини” англатишини айтди. У ҳусийлар ортида турган Эронга қарши санкциялар жорий этишга чақирди.
“Агар ҳозир кўзга кўринадиган реакция бўлмаса, Эрон ва унинг ишончли вакиллари, ‘Ҳизбуллоҳ’ ёки ҳусийлар буни таклиф сифатида қабул қилади”, — деди у.
15 декабрь куни Либерия байроғи остидаги МSC АLANYA контейнер кемаси ҳусийлар томонидан йўналишни ўзгартиришга буйруғини олган, улар ҳужумга учрамаган.
“Капитан, сизга Қизил денгизга боришга рухсат йўқ. Йўналишингизни жануб томонга ўзгартиринг”, — дейилган огоҳлантиришда.
Аввалроқ Ямандаги ҳусийлар ҲАМАС билан бирдамлик учун Исроил билан алоқадор кемаларни нишонга олишлари ҳақида огоҳлантирганди.
Изоҳ (0)