Россиянинг Свердловск вилоятида бир ёшли бола чироқли маржонлар туфайли электр токи уришидан вафот этди. Бу ҳақда База хабар берди.
Ҳодиса 14 декабрь куни содир бўлган, бола ўз хонасида ўйнаб ўтирган. Она уй юмушлари билан банд, ота эса ишда бўлган. Боланинг эътиборини ёрқин чироқли маржонлар жалб қилган. У симга қўл чўзиб, тасодифан уни розеткадан чиқариб олган, оқибатда болани ток урган.
Бир оз вақт ўтгач, она болани ҳушсиз ҳолда топган. У тез ёрдам чақирган, бироқ шифокорлар чақалоқни сақлаб қола олмаган. Аниқланишича, 16 декабрь куни бола бир ёшга тўлиши керак бўлган.
Изоҳ (0)