Экология, атроф-муҳитни муҳофаза қилиш ва иқлим ўзгариши вазирлиги ҳузуридаги “Ҳисор” давлат қўриқхонаси ходимлари томонидан ўрнатилган видеоқопқонга Сибир тоғ эчкиси муҳрланди. Бу ҳақда вазирлик матбуот хизмати хабар берди.
Сибир тоғ эчкиси Ўзбекистон Қизил китобига киритилган бўлиб, асосан, чиқиш қийин бўлган баланд тоғларда яшайди. Улар ўртача 15-17 йил умр кўради ва йилда 1-2 марта болалайди.
“Ҳисор” давлат қўриқхонаси бу жониворларнинг доимий масканидир. Сибир тоғ эчкиси Экология вазирлиги томонидан доимий муҳофазага олинган.
Фотоқопқонга муҳрланган ноёб ҳайвонлар
Сентябр охирларида “Зомин” давлат қўриқхонасига ўрнатилган фотоқопқонга “Арча майдон” ҳудудида сайр қилиб юрган она-бола Туркистон силовсини тушиб қолгани маълум бўлган эди. 2022 йилнинг октябр ойида “Сурхон” давлат қўриқхонасига ўрнатилган фотоқопқонга манул тушиб қолганди. Шунингдек, “Ҳисор” давлат қўриқхонаси қўриқлаш ходимлари томонидан ўрнатилган фотоқопқон объективига Туркистон силовсини, “Чотқол” давлат биосфера қўриқхонасида эса қор қоплони муҳрлангани тўғрисида хабар берилганди.
Изоҳ (0)