Шотландия Эдинбург ҳайвонот боғида 12 йил яшаган икки пандани Хитойга қайтариб юборди. Улар Буюк Британияда мавжуд ягона пандалар эди. Бу ҳақда AP хабар бермоқда.
Пандалар 2011 йилда халқаро ижара доирасида Буюк Британияга кўчирилган.
Пандаларни табиий йўл билан ҳам, сунъий усул билан ҳам кўпайтиришга уринишлар муваффақиятсизликка учраганидан сўнг, ҳайвонот боғи маъмурлари ушбу уринишларни давом эттиришни режалаштирмаётгани, бунинг ўрнига йўқолиб бораётган турларни ҳимоя қилишга эътибор қаратишини айтди.
“Йўқ бўлиб кетиш хавфи остида турган миллиондан ортиқ турлар бор, табиий дунёмиз эса инқирозга юз тутиб турибди, Янг Гуаг ва Тян Тян (Хитой пандаларининг лақаби —“Дарё” изоҳи) миллионлаб одамларни табиатга ғамхўрлик қилишга илҳомлантиришга ажойиб ҳисса қўшди”, — деди Шотландия зоология жамияти бош директори Девид Филд.
Катта панда Хитойнинг норасмий рамзи ҳисобланади. Хорижий давлатлар Хитойдан пандаларни ўн йил муддатга ижарага олиши мумкин. Хитой дипломатик алоқаларни ўрнатиш учун ушбу воситадан фойдаланади. Ижара муддати тугагач, агар шартнома узайтирилмаса, ҳайвонлар Хитойга қайтарилиши керак.
Бир жуфт панда учун Пекинга 250 минг доллардан бир миллион долларгача ҳақ тўланади. Хитой томонидан хорижий давлатлар билан муносабатлар ўрнатишда қўлланадиган халқ дипломатиясининг бундай усули панда дипломатияси деб аталади.
Аввалроқ АҚШ Вашингтон ҳайвонот боғидаги пандалар йил охирида Хитойга қайтариб юборилиши мумкинлигини маълум қилганди.
Изоҳ (0)