Бундан 20 йил аввал Хитой томонидан АҚШга дўстлик элчиси сифатида юборилган Я Я исмли панда яқин кунларда Шанхайга етиб келади. Бу ҳақда Хитой ўрмон ва дашт хўжалиги давлат бошқармасига таяниб, “Xinhua” агентлиги хабар бермоқда.
“Я Я 2000 йилнинг 3 августида Пекин ҳайвонот боғида туғилган. Орадан уч йил ўтгач, уни панда Ле Ле билан бирга Теннесси штатидаги Мемфис ҳайвонот боғига олиб келишди. Шу йилнинг февраль ойида Ле Ле вафот этди, у эса 25 ёшга кирди.
Аслида, Я Я Америка ҳайвонот боғидан ўн йил аввал кўчирилиши керак эди, бироқ 2013 йилда унинг қолиш муддати яна ўн йилга узайтирилди.
Пандани қайтариш бўйича якуний қарор 2022 йилнинг декабрь ойида қабул қилинган. Февраль ойида эса Мемфисга келган хитойлик мутахассислар Я Яга тук тўкилишига олиб келадиган тери касаллиги ташхисини қўйди. Умуман олганда, панданинг соғлиғи нормал даражада эди.
Я Яни кўчиришга тайёрлаш учун ҳайвонот боғи ходимлари уни Хитойдан келтирилган печенелар билан овқантирди. Шунингдек кўчириш пайтида пандага қулай бўлиши учун махсус тайёргарликлар ўтказилди.
Хитой ҳукумати ХХ асрнинг ўрталаридан бошлаб “панда дипломатияси” деб аталган усулдан фойдаланмоқда. Бунда Хитой бутун дунё бўйлаб пандаларни ҳайвонот боғларига жўнатиб, халқаро алоқалар ўрнатишга интилади.
Изоҳ (0)