АҚШ Вашингтон ҳайвонот боғидаги пандалар йил охирида Хитойга қайтариб юборилишини истисно қилмайди, деди Оқ уй матбуот котиби Карин Жан-Пьер брифингда.
“Ҳаммамиз пандаларни яхши кўрамиз. Бу масалани президент билан муҳокама қилганим йўқ”, — деди у АҚШ президенти Жо Байден Хитой раҳбари Си Цзиньпиндан пандаларнинг қолишини сўрайдими ёки йўқлиги ҳақидаги саволга жавобан.
Ҳайвонлар 7 декабргача Хитойга қайтарилиши керак.
1984 йилдан хорижий давлатлар Хитой пандаларини 10 йилга ижарага олиши мумкин бўлди, бир жуфт панда учун Пекинга 250 минг доллардан бир миллион долларгача ҳақ тўланади. Хитой томонидан хорижий давлатлар билан муносабатлар ўрнатишда қўлланадиган халқ дипломатиясининг бундай усули панда дипломатияси деб аталади.
Ижара муддати тугагач, ҳайвонлар Хитойга қайтарилиши керак. Бундан ташқари, агар кўчирилган пандалар болаласа, тўрт йилдан кейин, яъни кичик пандалар жинсий етилгач, уларни ҳам Хитойга юбориш керак бўлади.
Мей Сян ва Тян Тян лақабли бир жуфт панда 2000 йилда Хитой ёввойи табиат ассоциацияси ўртасидаги келишув доирасида Вашингтон ҳайвонот боғига келтирилган эди. Дастлаб жониворлар тадқиқот ва наслчилик дастури учун ўн йил қолиши режалаштирилган, аммо кейин Хитой билан келишув бир неча бор узайтирилган, деб таъкидлайди CBS News.
Урғочи панда 2020 йил 21 август куни Сяо Си Сзи лақабли ўғил бола пандани дунёга келтирди, ўша йили учала панда ҳам 2023 йил охиригача АҚШда қолиши ҳақида шартнома имзоланди.
Изоҳ (0)