Охирги олти ойда Қирғизистонга хорижий сайёҳлардан тушган даромад 471 миллион долларга етди, бу 2022 йилнинг шу даврига нисбатан 2,1 баробар кўпдир. Бу ҳақда Қирғизистон Маданият, ахборот ва туризм вазирлиги матбуот хизмати хабар берди.
Белгиланган даврда хорижий сайёҳларнинг экскурсиялари сайёҳлик компанияларига 1 миллиард 178,2 миллион сом (13 миллион 279 минг 224 доллар) фойда келтирди, бу ўтган йилнинг шу даврига нисбатан 1,9 баробар кўпдир. Дам олиш масканлари ҳам ўз даромадларини 413 миллион сомга (4 миллион 655 минг доллар) етказди. Ўтган йилга нисбатан ўсиш 19 фоизни ташкил этди.
Меҳмонхоналар ва кафелар ҳам даромади сезиларли ўсганини таъкидламоқда. Меҳмонхоналар томонидан кўрсатилган хизматлар ҳажми 1 миллиард сомдан ошди (11 миллион 272 минг 686 доллар). Бу 2022 йилга нисбатан 1,3 баробар кўпдир. Шу билан бирга, ресторанлар ва бошқа умумий овқатланиш шохобчалари ўз даромадларини 25,2 фоизга ошириб, 4,1 миллиард сомга (45 миллион 090 минг 744 доллар) етди.
Ташувчилар ҳам четда қолмаган. Қирғизистон Республикасига саёҳатчиларни ташишдан тушган даромад 3,5 миллиард сомни (39 миллион 454 минг 401 доллар) ташкил этди. Шундай қилиб, уларнинг даромадида умумий ўсиш йил давомида 18,6 фоизга етди.
Изоҳ (0)