Қирғизистон Жогорку Кенеши депутатлари давлат байроғидаги қуёш нурлари шаклини ўзгартиришни таклиф қилмоқда, дейилади парламент сайтидаги хабарда.
Парламент спикер Нурланбек Шакиев ва депутат Улан Примов тегишли ташаббус билан чиққан.
Депутатлар Қирғизистон байроғи марказидаги қуёш нурлари тўлқинсимон бўлганидан кунгабоқар гулига ўхшаб қолганини айтган. Улар қуёш нурларини текис, тўғри қилиб тасвирлашни таклиф қилган.
Қирғизистон байроғидаги қуёш нурларининг янги эскизини ишлаб чиқиш учун дастлабки босқичда ушбу байроқ муаллифлари жалб қилинган, улар математик ҳисоб-китоблар, чизмалар ва тегишли ишларни амалга оширяпти.
Амалдаги Қирғизистон байроғи мамлакат Жогорку Кенешининг 1992 йил 3 мартдаги қарори билан тасдиқланган. Унга мувофиқ, байроқ ранги қизил бўлиб, марказида тасвирланган қуёш нурлари билан ўралган ўтовнинг туйнуги миллий рамз экани белгилаб қўйилган.
Изоҳ (0)