Қирғизистонда депутат ва қишлоқ хўжалиги вазири ўртасида озиқ-овқат нархи бўйича тортишув содир бўлди. Сиёсатчилар мамлакатда тухум етиштириш масаласига ҳам тўхталди. Бу ҳақда “Nur.kz” хабар берди.
Қирғизистонда маҳаллий “Ата-Журт Қирғизистон” парламент фракцияси ва “Mekenchil” депутатлар гуруҳининг қўшма йиғилиши бўлиб ўтди. Тадбирда депутатлардан бири Шайлообек Атазов Қирғизистон қишлоқ хўжалиги вазирига бошқарма маҳсулотлар нархини прогноз қила оладими, деган саволни берди.
“Вазирлик фермерларга ‘Сизлар шунча картошка, гуруч, ёғ ишлаб чиқарасизлар, фалон нархда оламиз’, дейиши мумкинми, қирғизистонликларга шундай кафолат бера оласизми?” — аниқлик киритди Атазов.
Қишлоқ хўжалиги вазири Аскарбек Жанибеков бу ишни қила олмаслигини, чунки нархлар дунёдаги вазиятга боғлиқлигини айтди. Бироқ унинг сўзлари депутатни қаноатлантирмади.
“Айта олмасангиз, нега вазирликда ўтирибсиз?” — деди депутат.
“Ҳатто вазир бўлсангиз ҳам, буни айта олмайсиз”, — дея жавоб қайтарди вазир.
Бунга жавобан депутат вазирлик раҳбари эмас, депутат эканини таъкидлади.
“Менга бундай жавоб берманг! Вазир бўлиш хаёлимда ҳам йўқ. Мен депутатман!” — деди Атазов.
Сўнгра депутат Қирғизистон Қишлоқ хўжалиги вазирлигининг маърузасига эътибор қаратди.
“Тухум ишлаб чиқараман, деб ҳам айтдингиз, уни қандай ишлаб чиқарасиз?” – савол берди Атазов.
“Мен тухум ишлаб чиқармайман, уларни товуқ қўяди”, — деб жавоб берди Жанибеков.
“Ҳисоботингизда шунча тухум ишлаб чиқарганингизни айтдингиз. Қандай қилиб?” — қарши савол берди депутат Атазов. Жанибеков вазиятни тушунтиришга қарор қилди.
“Паррандачилик хўжаликларида товуқлар сонининг кўпайишига қараб тухум сотиб олинмоқда. Тухум кластерини қўллаб-қувватлаш учун давлатдан бюджетдан маблағ ажратилмоқда. Бизда 4 та йирик ва 20 дан ортиқ ўрта паррандачилик фермаси бор”, — дея тушунтирди Қирғизистон қишлоқ хўжалиги вазири.
Изоҳ (0)