Турли сабабларга кўра биз баъзи машҳурларни ёшлигида умуман эслай олмаймиз. Кўпинча бу улар ўз карьераларини жуда кеч бошлаганлиги ёки ёшлигида машҳурликка эришгани билан боғлиқ. AdMe нашри дунё бўйлаб машҳурликка эришган актёрларнинг ёшлигидаги архив суратларини тақдим этди.
Хю Лори
Хю Лори актёрлик фаолиятини талабалик йилларида бошлаган. У ватани Британияда “Қора қўзиқорин” (1983—1989 йилларда тақдим этилган) комедик сериалида суратга тушди, аммо “Доктор Ҳаус” телесериалида шифокор ролини ижро этганидан кейин дунё бўйлаб машҳурликка эришди. Бу пайтда актёр 40 ёшдан ошган эди.
Эмма Томпсон
Эмма Томпсоннинг ҳар қандай образга айланиш қобилияти ҳайратланарли: у “Гарри Поттер”даги Сивилла Трелони, “Қаттиққўл энага” фильмида бош қаҳрамон ва “Круэлла” фильмидаги баронесса фон Хелман ролларини гавдалантирган. Актриса ўз фаолиятини саҳнада ва Британия телевидениесида бошлаган, шунинг учун дунё томошабинлари унинг ёшлигини деярли эслай олмайди.
Рейф Файнс
“Гарри Поттер” фильмида Волдеморт ролини ижро этган актёр ўз фаолиятини театрда бошлаган ва кино оламидаги дебютини 1992 йилда “Момақалдироқли йўл” фильмида қилган. Актёр ушбу кинокартинада Хитклифф ролини ўйнаган. Орадан бир йил ўтгач, “Шиндлер рўйхати” фильмининг премьераси бўлиб ўтди, шундан сўнг актёр жаҳон миқёсидаги юлдузга айланди. Қизиғи шундаки, ўша пайтда у 30 ёшдан ошган эди.
Голди Хоун
Голди Хоуннинг карьераси “Кактус гули” (1969 йилда суратга олинган) комедиясидаги Тони Симмонс ролини ижро этиши билан сезиларли даражада юқорилади ва актриса ушбу роли учун “Оскар”ни қўлга киритди. У 1990 йиллардан кейин 4 йил давомида экранларда кўриниш бермади, бироқ кейин яна кино оламига қайтди ва машҳур лойиҳаларда суратга тушди.
Харрисон Форд
Харрисон Форд учун машҳурлик сари йўл тиканли эди. Унинг баъзи эпизодик роллари ҳатто титрлар қаторига тушмади ва бир продюсер ҳатто ундан яхши актёр чиқмаслигини айтди. Оқибатда ёш Форд авваллари уни жуда ўзига жалб қилган касбидан кўнгли қолади ва дурадгор бўлишга қарор қилади. Бироқ тақдир уни Жорж Лукасга олиб келди, бунинг натижасида Харрисон “Юлдузлар жанги” фильмидаги Хан Соло ролини ижро этди. Фильм чиққанида у 35 ёшда бўлган.
Глория Стюарт
Кўплаб томошабинлар Глория Стюартнинг “Титаник” фильмидаги кекса Роуз ролини эслайди. Ўша пайтда актриса 87 ёшда бўлган. Бироқ Глория 1930 йилларда Голливуд юлдузи бўлганини кам инсон билади. У “Эски қоронғи уй” (1932 йил) ва “Кўринмас инсон” (1933 йилда) каби фильмларда суратга тушган.
1945 йилда Стюарт актрисаликни тарк этишга ва рассом бўлишга қарор қилди, 1970 йилларда яна экранларга қайтди. Актриса “Титаник” фильмида рол ижро этгунига қадар бир нечта кинокартиналарда эпизодик ролларни ўйнади.
Анжелика Хюстон
Анжелика Хюстоннинг экрандаги дебюти ўсмирлик даврида бўлган, аммо у орадан кўп ўтмай моделлик соҳаси уни кўпроқ жалб қилишини тушунди. Актриса 1980 йилларнинг бошларида, тахминан 30 ёшида, актёрлик карьерасига қайтди ва фильмларда эпизодик ролларни ижро эта бошлади. Анжелика 1991 йилда “Аддамлар оиласи” фильмида энг машҳур қаҳрамонлардан бири — Мортиша Аддамс образини гавдалантирди ва шундан кейин унинг номи ушбу фильм қаҳрамони билан эсланадиган бўлди.
Жейсон Момоа
Жейсон Момоани дўконда ишлаётган пайтда кўриб қолишди ва “Malibu қутқарувчилари” фильмидан рол таклиф қилишди. Бироқ, ҳақиқий машҳурлик унга орадан 10 йил ўтгач, “Тахтлар ўйини” телесериалида Дрого ролини ўйнаганидан кейин келди.
Шон Коннери
Шон Коннерининг машҳурлик сари йўли узоқ ва машаққатли бўлди. У шоу-бизнесдаги фаолиятини Қироллик театрида уста сифатида бошлаган. Кейинчалик у қўшимча ролларни ола бошлади. Актёр пул топишнинг қўшимча усулларини излади, шу жумладан энага сифатида ишлашга мажбур бўлди. Ҳақиқий машҳурлик унга 30 ёшдан ошганида, махфий агент Жеймс Бонд ҳақидаги биринчи бешта фильмда иштирок этганидан кейин келди.
Ҳелен Миррен
Ҳелен Миррен қироличаларнинг ролини ижро этганидан кейин машҳур бўлди. У иккита Елизавета ва император Кетрин II ролини ижро этган дунёдаги ягона актриса ҳисобланади. Унинг ташқи кўриниши бундай қаҳрамонлар учун жуда мос келади. Актриса ёшлигида қандай кўринишга эга бўлганини кўпчилик эслай олади. У кинодаги карьерасини 20 ёшида бошлаган.
Жессика Честейн
Жессика Честейннинг профессионал саҳнадаги дебюти 1998 йилда Шекспир асари асосида саҳналаштирилган спектаклда Жулетта ролини ўйнаганида бўлди. У узоқ вақт давомида театрда ишлаган ва телесериалларда рол ўйнаган. Актриса биринчи бош ролини 2008 йилда “Жолин” фильмида олди. Жессиканинг ҳақиқий ютуғи 2011 йилда олтита фильмда, жумладан, “Ёрдам” ва “Ҳаёт дарахти”да суратга тушганида юз берди. Ўша йили актриса 34 ёшга тўлди.
Айрис Апфел
Америкалик коллексионер ва дизайнер Айрис Апфел ҳозирда 101 ёшда. Унинг ёшлигида қандай кўринишга эга бўлганини ҳеч ким эслай олмайди, чунки машҳурлик унга анча кейинроқ келди. У 2019 йилда, 97 ёшида, моделлик карьерасини IMG билан имзолаган.
Изоҳ (0)