Самарқанд вилояти Булунғур туманида жойлашган “Юқори нуқта” постида ветеринария-санитария талабларига жавоб бермайдиган гўшт маҳсулотлари тўхтатиб қолинди. Бу ҳақда ИИВ ЙҲХХ ахборот хизмати хабар берди.
Қайд этилишича, Isuzu юк машинаси ЙПХ ҳамда Давлат ветеринария хизмати ходимлари томонидан тўхтатилиб, текширилган.
Текширув давомида транспортнинг юк бўлимида ветеринария-санитария талабларига жавоб бермайдиган 4,9 минг килограмм гўшт маҳсулотлари борлиги аниқланган.
Гўшт маҳсулотларининг истеъмолга яроқлилигини текшириш учун Булунғур тумани ҳайвонлар касалликлари диагностикаси ва озиқ-овқат хавфсизлиги давлат марказига экспертизадан ўтказиш учун юборилган.
Истеъмолга яроқсиз гўштлар
Август ойининг бошида Самарқандда Isuzu юк машинасида Тошкентга олиб кетилаётган 1 тоннадан ортиқ истеъмолга яроқсиз гўшт тўхтатиб қолинганди. Тошкентдаги бозорда истеъмолга яроқсиз гўшт маҳсулотлари сотилаётгани аниқлангани, Тошкентда сотиш учун истеъмолга яроқсиз гўшт олиб кетаётган яна бир киши тўхтатиб қолингани, Ургут туманида 500 кг истеъмолга яроқсиз гўшт маҳсулотлари йўқ қилингани тўғрисида хабар берилганди.
Изоҳ (0)