Бухорода ярим тоннадан зиёд истеъмолга яроқсиз гўштни сақлаб келган эркак ушланди

Бухоро вилоятидаги хонадонлардан бирида ярим тоннадан зиёд истеъмолга яроқсиз гўштни сақлаб келган эркак ушланди. Бу ҳақда вилоят ИИБ ахборот хизмати хабар берди.

Унга кўра, Қизилқум кўчасида яшовчи 1975 йил туғилган Б.С. қўлбола усулда тайёрланган музлаткичда келиб чиқиши номаълум ҳайвонга мансуб бўлган 543 кг гўшт ва гўшт маҳсулотларини сақлаб келаётгани аниқланди. 

Бухоро вилояти Ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази ветеринария-санитария экспертиза, микробиология ва озиқ-овқат маҳсулотлари хавфсизлиги лабораториясининг хулосасига кўра, ушбу гўшт ва гўшт маҳсулотлари истеъмолга яроқсиз эканлиги аниқланган.