Алабама штати Бош прокуратураси АҚШ Олий судидан 58 ёшли маҳбус Кеннет Юджин Смитни қатл қилиш санасини белгилашни сўради. Улар маҳбусни янги усулда — азот ёрдамида қатл қилишни режалаштирмоқда, деб хабар берди Associated Press.
Ҳаво таркибининг 78 фоизини ташкил қиладиган азот кислород билан бирга нафас олганда одамлар учун зарарсиз. Аммо соф азотдан нафас олаётганда одамда гипоксия пайдо бўлади, бу эса ўлимга олиб келади. Қатлнинг янги усули тарафдорлари жараён оғриқсиз бўлишини тахмин қилмоқда, деб таъкидлади AP, қарши тараф эса буни инсон устида тажриба ўтказишга қиёсламоқда.
Алабама штатида қатлнинг янги усулига 2018 йилда рухсат берилган, бунга маҳбусларни ўлдирадиган инексия учун дори етишмаслиги сабаб бўлган, аммо янги усул ҳали қўлланмаган. Оклахома ва Миссисипи штатларида ҳам ўлим жазоси сифатида азот гипоксиясига рухсат берилган.
Янги усулни амалга ошириш ташаббуси аллақачон ҳуқуқ ҳимоячиларининг танқидига учради. Адвокатлар гуруҳи вакилининг айтишича, штат “умуман исботланмаган ва фойдаланилмаган усул билан тажриба ўтказишга ҳақли эмас”.
АҚШда маҳбуслар қандай қатл этилади?
АҚШда ўлим жазосига рухсат берилган штатларда махсус инексия қўлланади. Аммо кўп ҳолларда фармацевтика компаниялари ҳукуматга дори беришдан бош тортади. 2020 йилда АҚШ Адлия вазирлиги қатл қилиш усулларини кенгайтириб, отиб ўлдириш, газ камераси ва электр стул ёрдамида жазони ижро этишга рухсат берди.
Изоҳ (0)