Россиянинг Белгород вилояти губернатори Вячеслав Гладковнинг айтишича, Украина қўшинлари Валуйский шаҳар округидаги Уразово посёлкасига “Град” ёппасига ўт очувчи реактив тизимлардан кассетали ўқлар отган. Украиналиклар посёлкка кассетали ўқ билан зарба бергани бўйича мустақил далил йўқ.
Расмийларнинг дастлабки маълумотларига кўра, тўрт киши жароҳатланган: уч эркак ва бир аёл, улар предметлар парчалари билан жароҳатланиб, касалхонага ётқизилган.
Вилоят раҳбарининг сўзларига кўра, зарба хусусий уйлар ва қишлоқ хўжалиги дўконига тегган. Бир неча уй ва машинага зарар етган. Гладков вайрон бўлган турар жой бинолари, шунингдек, ёнилғи қуйиш шохобчаси ёнидаги ойнаси синган машина тасвирларини кўрсатди. Кадрлардан бирида кичик ёнғин белгилари кўринади.
.jpg)
Белгород вилояти ва бошқа чегарадош ҳудудлар Россиянинг Украинага кенг кўламли босқинидан сўнг мунтазам равишда ўққа тутилмоқда. Украинанинг қарши ҳужуми бошланишидан олдин Белгород вилояти чегара ҳудудларини ўққа тутиш сезиларли даражада ошди. Украина томонида жанг қилаётган Россия кўнгиллилар корпуси ва Россия озодлик легиони бўлинмалари Белгород вилоятида бир неча бор рейдлар уюштирди ва чегарадаги аҳоли пунктлари устидан вақтинча назорат ўрнатди.
Изоҳ (0)