Норвегиянинг Конгсберг Группен халқаро технологик гуруҳи Украинага 740 миллион Норвегия крони (70,8 миллион доллар) қийматидаги дронларга қарши тизимни етказиб беради. Бу ҳақда Норвегия ҳукумати маълум қилди.
Қайд этилишича, ушбу тизимни етказиб бериш Украинани қўллаб-қувватлаш халқаро жамғармаси (IFU) орқали амалга оширилади. Мазкур фонднинг асосий ҳиссадори Норвегия ҳисобланади.
4 август куни Украина президенти Владимир Зеленский уруш бошланганидан бери Россия қўшинлари Украинага камида 1 961 та Shahed типидаги дронларни учирганини маълум қилганди.
Унинг сўзларига кўра, украиналик ҳарбийлар камикадзе дронларининг “асосий қисмини” уриб туширишга муваффақ бўлган.
Изоҳ (0)