Россия Одесса вилоятидаги Измаил портига кетаётган хорижий кемани Қора денгизда ўт очиб тўхтатиши буғдойнинг глобал нархига таъсир қилди. Бу ҳақда Bloomberg хабар берди.
Маълум қилинишича, мазкур ҳодиса Украинадан ҳосилларни етказиб бериш бўйича ноаниқликни кучайтирган.
“Буғдой нархи 0,3 фоизга тушишидан олдин ҳодиса сабабли 1,2 фоизга ошди. Энди буғдойнинг бир бушел учун (инглиз ўлчов тизимида ишлатиладиган ҳажм бирлиги) жаҳондаги нархи 6,55 долларни ташкил этади”, — дейилади хабарда.
Бироқ ҳосил кўплиги шароитида буғдой нархи бу йил тахминан 17 фоизга пастлигича қолмоқда.
“Охирги икки ҳафта давомида кузатилган барча ҳужумларга қарамай, ғалла ҳар икки томондан келишни давом этмоқда”, — дейди “Рабобанк” таҳлилчиси Карлос Мера.
АҚШ Қишлоқ хўжалиги вазирлиги Россия буғдой экспортини 2023—2024 йилги мавсум учун 48 миллион метрик тоннагача кўтарган. Бу жаҳон буғдой савдосининг деярли тўртдан бири энди Россияга тўғри келишини англатади.
Россия Қора денгиз портларидан Украина озиқ-овқат маҳсулотларини экспорт қилишга рухсат берган дон битимидан чиқди
Июль ойида Россия дон шартномасини узайтиришдан бош тортди. 20 июлдан бошлаб Россия Қора денгизда Украина портларига кетаётган барча кемаларни потенциал ҳарбий юк ташувчиси деб ҳисоблаши, улар рус қўшинларининг қонуний нишонига айланиши ва байроқлари кўтарилган давлатлар конфликтда Украина томонида кўрилишини билдирди.
Шу ҳафта Украина Черноморск, Одесса ва Южний портларига сузиб юрувчи савдо кемалари учун Қора денгизда вақтинчалик коридорларни очди. Шу билан бирга, Киев уларнинг хавфсизлигини кафолатлай олмаслигидан огоҳлантирди.
Изоҳ (0)