Ўзбекистонда тиббиётга ажратиладиган йиллик маблағ ҳажми икки баробар оширилади. Бу ҳақда жамоатчилик муҳокамаси учун эълон қилинган “Ўзбекистон-2030” стратегияси лойиҳасида кўзда тутилган.
Ҳужжатда аҳоли саломатлигини таъминлаш бўйича ислоҳотлар келтирилган бўлиб, унга кўра, қуйидагиларни амалга ошириш режалаштирилган:
- аҳолининг ўртача умр давомийлигини ошириш;
- туғилишдан кутилаётган умр кўриш давомийлигини 78 ёшга етказиш;
- бюджетдан тиббиётга ажратиладиган йиллик маблағ ҳажмини икки баробар ошириш;
- онкология, юрак-қон томир, диабет, нафас йўллари ва юқумли касалликлар бўйича эрта ўлимни 2,5 баробар камайтириш;
- сил касаллиги билан касалланиш даражасини 100 минг аҳолига нисбатан ҳозирги 34 нафардан кескин камайтириш.
Аҳолига бирламчи тиббий хизматларни янада яқинлаштириш мақсадида 700 та поликлиника барпо этиш, 28 минг шифо ўринларини яратиш, 16 минг шифокор штатларини ташкил этиш кўзда тутилмоқда.
Республикада гемодиализ бўлимлари сони икки баробарга кўпайтирилади. 350 минг нафар диабет, 1,5 миллион юрак-қон томир касаллиги бор беморларни даволаш билан тўлиқ қамраб олинади.
Тиббий ёрдамга муҳтож аҳолининг 70 фоиз мурожаатларини бирламчи бўғиннинг ўзида ҳал этишга эришилади.
Изоҳ (0)