Узоқ йиллар давомида кўпчилик анимацион кино фақат болалар учун яратилади деб ўйлаган. XXI асрда бу стереотипни буткул ўзгартириб юборган. Катта студиялар барчага қизиқ бўлиши мумкин бўлган оилавий кинолар ишлай бошлаган. Wday нашри ҳатто катталар учун ҳам қизиқарли мультфильмлар ҳақида маълумот бериб ўтади.
“Валл-I” (2008)
Ушбу мультфильмда инсоният ва роботларнинг севгиси ҳақида ҳикоя қилинади. Унга кўра, 2805 йилда ифлосланган сайёрани одамлар аллақачон тарк этиб фақатгина сувараклар қолган. Чиқиндидан барпо бўлган осмонўпар бинолар орасида юрадиган фаррош-робот Валл-I арзийдиган нарсаларни йиғиб юради. Кунларнинг бирида робот-тадқиқотчи одамлар бор космик кемага олиб кетиш учун етиб келиши керак бўлган яшил ниҳолни топиб олади. Мультфильмда болалар саҳналарни қизиқиб томоша қилса, катталар Ер ва экология ҳақида ўйлай бошлайди.
“Учар уй”
Pixar студияси томонидан суратга олинган мультфильмда рафиқасининг орзусини рўёбга чиқариш учун Карл Фредриксен исмли ёлғиз қария уйига минглаб учар шарлар боғлаб саёҳатга отланади. 2009 йилда экран юзини кўрган мультфильм катта-ю кичикни экран қаршисига михлаб қўяди.
“Немони излаб” (2003), “Дорини қидириб” (2016)
Ҳар икки картинанинг режиссёри бўлган Эндрю Стэнтон воқеалар ривожи нафақат катталар, балки болаларга ҳам манзур бўлишини ўйлайди. “Немони излаб”да ота-бола балиқларнинг саргузаштлари ҳақида ҳикоя қилинади. Воқеалар ривожи Немо отасининг гапига кирмаганидан кейин бошланади.
“Кунг-фу Панда”нинг барча қисмлари (2008, 2011 ва 2016)
DreamWorks компанияси томонидан ишланган мультфильм нима бўлган тақдирда ҳам ўзига бўлган ишончни йўқотмаслик кераклиги ҳақида ҳикоя қилади. Трилогиянинг биринчи қисмида мухлислар гуру кунг-фу бўлишни орзу қиладиган По исмли панда билан танишади.
“Ибтидоий одамлар” (2018)
Аардман студиясининг фильмида, ғорда яшаб, ҳамма нарсадан қўрқадиган одамлар ҳақида ҳикоя қилинади. Унда зилзила сабаб ҳаммаси ўзгаради.
“Ўйинчоқлар олами”нинг барча қисмлари (1995, 1999, 2010 ва 2019)
Disney томонидан илк бор тўлиқ 3D-технология ёрдамида чизилган анимацион мультфильм улғайиш ва болаликнинг ортга қайтмаслиги ҳақида. Унда бир одамдан бошқа бир одамга ўтаётган ўйинчоқлар вақт тегирмонига тушиб қолади.
“Пакана бурунбой”
“Мельница” студияси томонидан суратга олинган мультфильм ўзида Вильгельм Гауф ҳикояларини мужассам қилган бўлиб, унда жодугарга ёрдам беришдан бош тортгани туфайли кўримсиз бўлиб қолган Якоб исмли болакайнинг саргузаштлари ўз аксини топади. Кунлардан бир куни Якоб ҳеч ким уни танимайдиган она шаҳрида ғозни қутқариб қолади. Ғоз жодудан қандай халос бўлишни биладиган сеҳрланган малика бўлиб чиқади.
“Шрек”нинг барча қисмлари (2000, 2004, 2007 ва 2010)
DreamWorks’нинг лойиҳаси саналган “Шрек” ҳам “Кунг-фу Панда” сингари мультфильмлар ўзини қандай бўлмасин қабул қилиш кераклигига ўргатади. Учинчи қисмдаги Шрекнинг сўзларини тасдиқламай бўлмайди: “Агар одамлар сени нобакор деб ҳисобласа — уларни эшитишинг шарт эмас. Муҳими — сен ўзингни ким деб ҳисоблашинг”.
“Сенинг исминг” (2016)
Япон режиссёри Макото Синкай макон ва замон устидан ғалаба қозонган севги ҳақида мелодрамалар суратга олади. “Сенинг исминг” мультфильмида Таки ва Мицуҳа исмли ўсмирлар тушида ўрин алмашади. Бола қишлоқдаги мактабда ўқиб кечаси ибодатхонада ишлайди, қиз эса Токиода ҳаёт кечиради. Вақт ўтиши билан улар бир-бирини севиб қолади. Мицуҳа пойтахтга боришга отланган вақтда ерга метеорит тушади.
Изоҳ (0)