60 йилларда экран юзини кўрган “Фантомас” француз кинокомедияси мухлислар қалбидан жой олган, фильмнинг бошидан охиригача Фантомас ниқоби остидаги инсон кимлиги ҳақида савол туғилганди. Мазкур қаҳрамон ролини француз актёри Жан Маре гавдалантирган бўлиб, қуйида у ҳақида маълумотлар бериб ўтамиз.
1. Актёр Франциянинг шимоли-ғарбида жойлашган Шербур шаҳрида 1913 йилда таваллуд топган. Маренинг болалиги қийинчилик билан ўтган.
2. У 4 ёшидалигида ота-онаси ажрашгани сабаб отаси ҳақида эслай олмайди. Онаси клептоманияга чалинган ва майда ўғриликлар сабаб бир неча марта ҳибсга олинган.
3. Ота-онаси билан мавжуд муаммолар сабаб Жан холасининг қўлида катта бўлган. Унинг қулоқсизлиги, мактабда яхши баҳога ўқимагани эса актёр бўлиш қарорига тўсқинлик қилмаган.
4. Лекин айнан юқоридаги қийинчиликлар сабаб ҳам тўсиқларни енгишда куч топган, 15 ёшидаёқ молиявий мустақил бўлган.
5. Театр институтига бир неча марта қабул қилинмаган бўлса-да, орзуларидан воз кечмаган, актёрлик курсига ёзилиб алал оқибат узоқ кутилган дипломни қўлга киритган.
6. 1933 йил суратга олинган “Кўчаларда” фильми Жан учун дебют бўлган. Шундан кейин бир қанча кичик ролларни ижро қилган ва орадан 6 йил ўтибгина актёр номи Францияда танила бошлаган.
7. Режиссёр Жан Кокто билан ишлаганидан кейин карьерасидаги муваффақият бошланиб, ҳақиқий киноюлдузга айланган.
8. Маре, Марлен Дитрих билан ишқий муносабатда бўлган, бироқ кейинроқ актриса Мили Парелга уйланган. Турмушлари эса узоққа бормаган.
9. Актёр 1998 йил 8 ноябрда, ўпка шишидан вафот этган.
Изоҳ (0)