Ўзбекистонлик MMA жангчиси Нурсултон Рўзибоев (36-8-2) UFC промоушенидаги навбатдаги жангини 4 ноябрь куни UFC Fight Night 230 мусобақасида ўтказади.
Рўзибоевга Бразилия вакили Каё Борральо (14-1) рақиб бўлади. Бу ҳақида Рўзибоевнинг ўзи Instagram саҳифасида маълум қилди.
Қайд этиш керак, Борральо 2022 йилнинг 22-октябрь куни ўтказилган UFC турнирида ўзбекистонлик яккакурашчи Маҳмуд Муродов устидан ғалаба қозонганди.
UFC Fight Night 230 мусобақаси Бразилиянинг Сан-Паулу шаҳрида ўтказилади. Мазкур турнирнинг асосий жанги Кёртис Блейдс ва Jailтон Алмейда иштирокида ўтиши кутилмоқда. Турнир Ўзбекистон вақти билан 4 ноябрдан 5 ноябрга ўтар кечаси бўлиб ўтади.
Нурсултон 2 июль куни UFCъдаги дебютини ўтказди. У бразилиялик енгилмас жангчи Бруно Феррейрани (10-1) биринчи раунддаёқ нокаут билан мағлуб этди.
Борральо охирги марта 2023 йилнинг 29 апрель куни Михал Олексейчукга қарши жанг қилиб, уни 2-раундда сабмишен билан енгганди. Бу Каё учун UFC промоушенидаги 5-жанг бўлади. Бразилия вакили промоушенда ғалабали серия қайд этмоқда.
Изоҳ (0)