“Пахтакор” икки нафар легионерни ўз сафига қўшиб олганини эълон қилди 

Тошкентнинг “Пахтакор” жамоаси икки нафар янги футболчини ўз сафига қўшиб олганини эълон қилди. 

“Шерлар” беларуслик дарвозабон Павел Павлюченко билан бир ярим йиллик шартнома имзолади. Павлюченко фаолияти давомида “Днепр”, “Динамо” Брест, “Рух”, “Гурник” ва “Брук-Бет” каби жамоалар шарафини ҳимоя қилган. 

Шунингдек, “Пахтакор” “Фейеноорд” тарбияланувчиси Метю Стинворденни ҳам ўз сафига қўшиб олди.

Стинворден пойтахт клуби билан бир ярим йиллик шартномага имзо чекди. Метю фаолияти давомида “Фейеноорд”, “Экселсиор”, “Дордрехт”, “Камбуур” ва “Горица” каби клубларда ўйнаган. Стинворден “Пахтакор” сафида ўйнайдиган илк голландиялик футболчига айланади. У эркин агент сифатида “шерлар” сафига келиб қўшилди.