Тожикистонда CAFA Futsal Cup 2023 мусобақасининг навбатдаги тур баҳслари 28 июль, жума куни бўлиб ўтди.
Ўзбекистон футзал терма жамоаси Эронга қарши баҳс юритди ва 0:5 ҳисобида мағлуб бўлди. Учрашувда Али Ҳалилванд иккита гол урган бўлса, Али Акрами ва Амир Ҳусайн биттадан голни ўз ҳисобига ёздириб қўйди. Яна бир гол эса Усмонов ҳисобига автогол сифатида қайд этилди.
Эслатиб ўтамиз, Баҳодир Аҳмедов шогирдлари дастлабки турда мезбон жамоа Тожикистонга қарши ўйнади ва 4:2 ҳисобида ғалаба қозонди. Иккинчи турда эса Афғонистонга 3:4 ҳисобида имкониятни бой бериб қўйган эди. Учинчи турда эса Туркманистон 3:1 ҳисобида таслим этилганди.
CAFA Futsal Cup 2023
4-тур баҳси
Эрон — Ўзбекистон 5:0
Голлар: 1:0 2 Али Ҳалилванд, 2:0 — 4 Али Акрами, 3:0 — 8 А.Усмонов (автогол), 4:0 — 33 Амир Ҳусайн, 5:0 — 35 Али Ҳалилванд.
Изоҳ (0)