Россия Африка мамлакатларига ўз суверенитетини мустаҳкамлашда ва глобал муаммоларни ҳал қилишда фаолроқ иштирок этишга ёрдам беради, деди Россия президенти Владимир Путин “Россия-Африка” иқтисодий ва гуманитар форуми очилиш маросимида.
“Албатта, биз африкалик ҳамкорларга миллий ва маданий суверенитетни мустаҳкамлаш, минтақавий ва глобал муаммоларни ҳал қилишда фаолроқ иштирок этишда ҳар томонлама ёрдам берамиз”, — деди Россия президенти.
27–28 июль кунлари Санкт-Петербургда “Россия-Африка” иккинчи саммити ва иқтисодий ҳамда гуманитар форуми бўлиб ўтади.
Аввалроқ Жанубий Африка Республикаси президенти Сирил Рамафоса шу йилнинг август ойида бўлиб ўтадиган BRIKS саммитига Владимир Путин ўрнига ташқи ишлар вазири Сергей Лавров ташриф буюришини сўраганди.
Кейинчалик Кремль матбуот котиби Дмитрий Песков саммитда Путин видеоалоқа орқали иштирок этишини билдирди.
Изоҳ (0)