Rossiya Afrika mamlakatlariga o‘z suverenitetini mustahkamlashda va global muammolarni hal qilishda faolroq ishtirok etishga yordam beradi, dedi Rossiya prezidenti Vladimir Putin “Rossiya-Afrika” iqtisodiy va gumanitar forumi ochilish marosimida.
“Albatta, biz afrikalik hamkorlarga milliy va madaniy suverenitetni mustahkamlash, mintaqaviy va global muammolarni hal qilishda faolroq ishtirok etishda har tomonlama yordam beramiz”, — dedi Rossiya prezidenti.
27–28-iyul kunlari Sankt-Peterburgda “Rossiya-Afrika” ikkinchi sammiti va iqtisodiy hamda gumanitar forumi bo‘lib o‘tadi.
Avvalroq Janubiy Afrika Respublikasi prezidenti Siril Ramafosa shu yilning avgust oyida bo‘lib o‘tadigan BRIKS sammitiga Vladimir Putin o‘rniga tashqi ishlar vaziri Sergey Lavrov tashrif buyurishini so‘ragandi.
Keyinchalik Kreml matbuot kotibi Dmitriy Peskov sammitda Putin videoaloqa orqali ishtirok etishini bildirdi.
Izoh (0)