Камбоджа бош вазири Ҳун Сен уч ҳафта ичида ўз лавозимини тарк этишини ва бу лавозимни тўнғич ўғли Ҳун Манетга топширишини айтди. Бу ҳақда Ассоcиатед Пресс хабар бермоқда.
Ҳун Сен ўз қарори ҳақида Камбоджа қироли Нородом Siamони хабардор қилган. Унинг айтишича, қирол бунга розилик билдирган.
Ҳун Сен бундай баёнотни мамлакатда бўлиб ўтган парламент сайловларида ҳукмрон Камбоджа Халқ партияси ғалаба қозониб, Миллий ассамблеядаги (парламент қуйи палатаси) 125 ўриндан 120 тасини эгаллаганидан сўнг эълон қилди.
45 ёшли Ҳун Манет Камбоджа Қуролли Кучлари генерали ва Камбоджа Қироллик армиясининг қўмондони бўлиб ишлайди.
Ҳун Сен 38 йилдан ортиқ вақтдан бери ҳокимият тепасида. У 1985 йил январь ойида Камбоджа бош вазири лавозимини эгаллаганди.
Аввалроқ Норвегияда сўлчи партия раҳбари кўзойнак ўғирлагани учун истеъфога чиққани, Янги Зеландия адлия вазири маст ҳолатда рулга ўтириб, йўл транспорт ҳодисасини содир этганидан кейин ишдан бўшагани ҳақида хабар берилганди.
Изоҳ (0)