Вьетнам Миллий ассамблеяси (бир палатали парламент) Сиёсий бюро аъзоси, ҳукмрон Вьетнам Коммунистик партияси Марказий қўмитаси котибиятининг доимий аъзоси Во Ван Тхионгни мамлакатнинг янги президенти этиб сайлади. Бу ҳақда ВнExpress хабар бермоқда. Вьетнамда ҳокимиятнинг олий органи парламент бўлиб, мамлакатда коммунистик партия етакчи рол ўйнайди.
Во Ван Тхионг 2026 йилгача мамлакат президенти лавозимида ишлайди.
Сиёсатчининг мамлакат президентлигига номзоди Вьетнам Коммунистик партияси Марказий қўмитаси томонидан 1 март куни бўлиб ўтган навбатдан ташқари пленумда маъқулланган. У ўз хоҳиши билан истеъфога чиққан аввалги давлат раҳбари Нгуен Суан Фукнинг ўрнини эгаллади.
Нгуен Суан Фук ўз муддати тугашидан олдин истеъфога чиққан биринчи Вьетнам президентига айланди. Янги давлат раҳбари сайланишидан олдин унинг вазифаларини вақтинча Вьетнам вице-президенти Во Тхи Ан Суан бажарган.
Во Ван Тхионг ҳақида
Во Ван Тхионг 1970 йил 13 декабрда Вьетнам жанубидаги Вин Лонг провинцияси Ан Фуок коммунасида туғилган. 1992 йилда Хошимин университетининг фалсафа факультетини тамомлаган ва 1999 йилда шу университетнинг Ижтимоий-гуманитар фанлар университетининг фалсафа магистри даражасини олган.
Ўқишни тугатгандан сўнг у сиёсий карера қуришни бошлади. Вьетнам Коммунистик ёшлар иттифоқи ва партия ташкилотларининг маҳаллий бўлимларида раҳбар лавозимларда ишлаган. 2007 йил июнь ойида Во Ван Тхионг Миллий Ассамблея аъзоси бўлди. 2011 йилда у ҳукмрон партия Марказий қўмитаси аъзосига айланди.
Изоҳ (0)