АҚШ собиқ президенти Барак Обаманинг бедарак йўқолган бош ошпази Тафари Кемпбеллнинг жасади Мартас-Винярд оролидаги ҳовуздан топилди. Массачусец штати маъмурияти ҳодиса юзасидан суриштирув ишларини олиб бормоқда, деб хабар берди ABC News.
45 ёшли Тафари Кемпбеллнинг жасадини штат полицияси ғаввослари ҳовуздан топган.
АҚШ собиқ биринчи хоними Мишель Обама Тафари “оиланинг севимли аъзоси” бўлганини айтди.
“У Оқ уйда моҳир ошпаз эди — ижод ва таомни бирлаштириб юборарди. Кейинги йилларда биз уни ҳаётимизни ёрқинроқ қилган қизиқарли, меҳрибон инсон сифатида кўрдик”, — дейди Обама хоним.
АҚШ собиқ президентининг оиласи Оқ уйни тарк этганидан кейин Кемпбеллдан улар учун ишлашни давом эттиришни сўраган, ошпаз рози бўлган.
Полициянинг айтишича, Кемпбелл вафот этган вақтда Барак Обама уйда бўлмаган.
Изоҳ (0)