Акрамжон Абдуҳамидов Наманган вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — вилоят иқтисодий тараққиёт ва камбағалликни қисқартириш бош бошқармаси бошлиғи лавозимига тайинланди. Бу ҳақда вилоят ҳокимлиги ахборот хизмати хабар берди.
Акрамжон Абдуҳамидов 1973 йилда Наманган вилояти Янгиқўрғон туманида туғилган. 1997 йилда Жаҳон иқтисодиёти ва дипломатия университетини, 2000 йилда Банк-молия академиясини тамомлаган. Мутахассислиги бўйича иқтисодчи.
Меҳнат фаолиятини 1997 йилда Молия вазирлиги мулкнинг давлат улуши бўйича дивидендлар ҳисобланиши ва фойдаланиши устидан назорат қилиш бошқармаси 1-тоифали иқтисодчиси вазифасидан бошлаган. 1999—2002 йилларда Молия вазирлиги қимматли қоғозлар ва молия бозори бошқармаси бош иқтисодчиси, бўлим бошлиғи ўринбосари лавозимларида ишлаган.
Акрамжон Абдуҳамидов 2022 йилдан тайинловга қадар Ўзбекистон Президенти администрацияси Назорат инспекцияси бош консультанти лавозимида ишлаб келаётганди.
Сўнгги тайинловлар
Олдинроқ Илҳом Қиличхонов Тошкент вилоятининг Нурафшон шаҳри ҳокими этиб тайинланганди. Ундан олдин Бахтиёр Раҳмонов яна Тошкент ҳокими ўринбосарлигига қайтгани тўғрисида хабар берилган эди.
Апрель бошида Акмал Маҳмудалиев Сирдарё вилояти ҳокими лавозимига тасдиқланган, Шавкат Умрзоқов Тошкент шаҳри ҳокими вазифасини бажарувчи этиб тайинланган, Хоразм вилоятининг икки туманида ҳокимлар алмашган эди.
Изоҳ (0)