Ижтимоий тармоқларда Фарғона шаҳрида жойлашган ҳайвонот боғидаги барча ҳайвонлар нобуд бўлгани ва ҳозирда боғ номаълум муддатга ёпилгани ҳақида хабарлар тарқалди. “Дарё” мухбири мазкур ҳолатга ойдинлик киритиш мақсадида ҳайвонот боғи раҳбари Турсунали Мамажонов билан боғланди. Боғ директорининг айтишича, ижтимоий тармоқларда тарқатилган хабарлар ҳеч қандай асосга эга эмас.
Қайд этилишича, боғдаги барча ҳайвонлар тирик ва соғлом. Боғ одатий тартибда ўз фаолиятини давом эттирмоқда.
“Бу йилги совуқ қаттиқ бўлгани учун жирафа ўлди, холос. Қолган барча ҳайвонларимизнинг аҳволи яхши. Боғ одатдагидек фаолият кўрсатмоқда”, — дейди Турсунали Мамажонов.
Таъкидланишича, айни кунда боғда мингдан ортиқ 125 турдаги ҳайвонлар боқилмоқда.
Аввалроқ Фарғона ҳайвонот боғидаги Максим лақабли жирафа аномал совуқ сабаб нобуд бўлгани ҳақида хабар берилган эди.
Изоҳ (1)
iflos erkaklar ham borda eri tashlab ketib ayolni noqulay sharoitga tashlaydigon ayol ham oppoq emas haqqi yoʼq edi bolani nobud qilishga bechora goʼdak yetimlar uyida yashashga mahkum emas