Baxtiyor Rahmonov yana Toshkent hokimi o‘rinbosarligiga qaytdi
Baxtiyor Rahmonov Toshkent shahar hokimining qurilish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha birinchi o‘rinbosari lavozimiga qaytdi. Poytaxt hokimi vazifasini bajaruvchi Shavkat Umurzoqov bu boradagi tegishli qarorni imzoladi.
“Ushbu qaror xalq deputatlari Toshkent shahar Kengashining sessiyasiga tasdiq uchun kiritilsin”, — deyiladi qaror matnida.
2018-yildan beri Toshkent shahar hokimi lavozimida ishlab kelgan Jahongir Ortiqxo‘jayev joriy yil 16-yanvar kuni Shavkat Mirziyoyev o‘tkazgan energiya resurslari ta’minotiga doir yig‘ilishda ishdan olingandi.
Prezident yig‘ilishda hokim anomal suvuqda energota’minotda kuzatilgan uzilishlarga sababchi bo‘lgani, qish mavsumiga lozim darajada tayyorgarlik ko‘rmagani uchun lavozimidan ozod etilganini aytgan. 16-yanvardan boshlab, Jahongir Ortiqxo‘jayev o‘rniga Toshkent shahar hokimining birinchi o‘rinbosari Baxtiyor Rahmonov Toshkent shahar hokimi vazifasini bajaruvchi etib tayinlangan.
23-mart kuni esa “O‘zavtosanoat” kompaniyasi raisi lavozimida ishlab kelayotgan Shavkat Umurzoqov Toshkent shahri hokimi vazifasini bajaruvchi etib tayinlandi.
