Самарқанд вилояти Пахтачи туманида ўз хонадонида қиморхона ташкил этган шахс қўлга олинди, деб хабар беради вилоят ИИБ ахборот хизмати.
Қайд этилишича, 29 март куни Пахтачи тумани ИИБ Тезкор-қидирув хизмати ҳамда ДХХ Нарпай тумани бўлими ходимлари томонидан тезкор тадбир ўтказилган. Тадбир давомида 30 ёшли фуқаро ўз уйида қимор ўйинлари ташкил этаётгани аниқланган.
Ушбу хонадон ҳуқуқни муҳофаза қилувчи орган ходимлари томонидан текширилганида, 5 нафар шахс пул эвазига қимор ўйнаётгани маълум бўлган.
Қиморбозлар томонидан тикилган 8 миллион 320 минг сўм ҳамда 400 АҚШ доллари, ўйин карталари холислар иштирокида далилий ашё сифатида ҳужжатлаштириб олинган.
Ҳолат юзасидан қиморхона ташкил этган шахсга нисбатан жиноят иши қўзғатилган, ҳозирда тергов ҳаракатлари олиб борилмоқда.
Аввалроқ Фарғона вилоятининг Фарғона туманида ўз уйида қиморхона ташкил этган шахс қўлга олингани тўғрисида хабар берилганди.
Изоҳ (0)