Бухоро вилоятининг Ғиждувон туманида қиморбозлар ўйинига чек қўйилди, деб хабар бермоқда вилоят ИИБ матбуот хизмати.
Маълум қилинишича, 6 август куни соат тахминан 18:30 ларда ИИБ ходимлари томонидан олинган маълумотлар асосида туманнинг «Барака» маҳалласида ўтказилган тезкор тадбир давомида маҳалланинг Олтинсой қишлоғида яшовчи Ҳ.Ш. (1986 йилда туғилган) исмли шахс ўз уйида таваккалчиликка асосланган қимор ўйинини ташкил қилиб, фуқаролар А.Ш., Р.Б. ва Р.Ф.нинг қимор ўйини ўйнашлари учун шароит яратиб бергани аниқланган.
Мазкур ҳолат юзасидан туман ИИБ Тергов бўлими томонидан Ҳ.Ш.га нисбатан Жиноят кодексининг 278-моддаси 1-қисми (қимор ва таваккалчиликка асосланган бошқа ўйинларни ташкил этиш ҳамда ўтказиш) билан жиноят иши қўзғатилиб, дастлабки тергов ҳаракатлари олиб борилмоқда.
Бундай жиноятни содир этганлик учун етти йилгача озодликдан маҳрум қилиш жазоси белгиланган.
Мавзуга доир:
Изоҳ (0)