Farg‘onada qimorxona tashkil etgan shaxs qo‘lga olindi

Farg‘ona viloyatining Farg‘ona tumanida o‘z uyida qimorxona tashkil etgan shaxs qo‘lga olindi.

Viloyat IIB matbuot xizmatining xabar qilishicha, 15-oktabr kuni tuman IIB JQB va DXX xodimlari hamkorlikda o‘tkazilgan tezkor tadbir davomida, Konchilar mahalla hududida yashovchi M.R. yashash xonadonida qonunga xilof ravishda qimorxona tashkil etib, fuqarolar U.N., T.S. va S.M.ga tavakkalchilikka asoslangan qimor o‘yini o‘ynashlari uchun shart-sharoit yaratib berganligi aniqlangan.

Tadbir davomida jami 28 million 238 ming so‘m, 800 dollari va 148 dona o‘yin kartalari daliliy ashyo tariqasida olingan.

Mazkur holat yuzasidan Farg‘ona tumani IIB huzuridagi tergov bo‘limi tomonidan M.R.ga nisbatan Jinoyat kodeksining 278-moddasi 1-qismi (qimorxona tashkil etish) bilan jinoyat ishi qo‘zg‘atilib, tergov harakatlari olib borilmoqda.

Ushbu modda bilan aybdor deb topilgan shaxs yetti yilgacha ozodlikdan mahrum qilish bilan jazolanadi.