Ҳафта давомида Ўзбекистон бўйича об-ҳавони юқори циклон белгилайди, бунинг натижасида республика бўйича вақти-вақти билан ёмғир ёғиши, момақалдироқ бўлиши кутилмоқда, деб хабар берди “Ўзгидромет”.
Қайд этилишича, 3—4 апрель кунлари Навоий, Самарқанд, Жиззах, Қашқадарё вилоятларида баъзи жойларда ёмғир ёғиши кучли бўлади.
Кундузги ҳаво ҳарорати ҳафта давомида 20-23 даражадан 15-18 даражагача ўзгариб туради.
Республика бўйича ёмғир ёғиши баъзи жойларда шамол тезлиги 15-20 метр/секундгача кучайиши, айрим жойларда чанг-тўзонлар, шунингдек, дўл ёғиши билан кузатилади.
Республиканинг тоғолди ва тоғли ҳудудларида вақти-вақти билан ёмғир ёғади, 3—6 апрель кунлари баъзи жойларда кучли бўлади. Баланд тоғ ҳудудларида 5—6 апрель кунлари ёмғир қорга айланиши мумкин.
3—4 апрелда тоғолди ва тоғли ҳудудларда сел-сув тошқин ҳодисалари юзага келиши мумкин. 3—7 апрелда Тошкент вилоятининг тоғли ҳудудларида 2000 метрдан юқорида қор кўчиши хавфи бор.
Тошкентда 4 апрелдан 6 апрелгача вақти-вақти билан ёмғир ёғади, момақалдироқ бўлади, дўл ёғиши мумкин. Шамол ўзгарувчан йўналишда кучсиз 5-10 метр/секунддан 12-15 метр/секундгача эсади. 3 март куни кундузги ҳаво ҳарорати 21-23 даражани ташкил этади, ҳафта ўртасига келиб 16-18 даражагача пасаяди.
Изоҳ (0)