Қозоғистонда сенатнинг ялпи мажлисида депутатлар ишончини йўқотган сиёсий хизматчиларни ишдан бўшатиш ҳақидаги қонунга ўзгартиришлар киритилди. Бу ҳақда Улйс медиа хабар берди.
Ҳужжатга кўра, ишончни йўқотганлик учун ишдан бўшатиш ҳақидаги қарорни фақат Қозоғистон президенти қабул қилади ва ушбу қарор фақат давлат раҳбари томонидан тайинланадиган давлат хизматчиларига тегишлидир.
“Қонунга кўра, сиёсий хизматчи сиёсий вазифаларни амалга ошириш учун масъул ходим ҳисобланади, уларга юклатилган масъулият катта. Президент администрасияси топшириғига кўра, шу муносабат билан, ишончни йўқотгани сабабли ўз ваколатларини маълум даражада бажармаган сиёсий хизматчини лавозимидан озод этиш институти жорий этилмоқда”, — деди Давлат хизмати ишлари агентлиги раҳбари Дархон Жазиқбоев.
Шунингдек, Қозоғистонда “шартнома асосида ишлайдиган ходимлар” тушунчаси жорий қилинади. Улар давлат хизматчилари сифатида таснифланмайди. Чунки улар маълум бир лойиҳани амалга ошириш доирасида фақат бир йил ишлаш учун жалб қилинади.
Изоҳ (0)