Аввалроқ Туркиянинг Стокгольмдаги элчихонаси олдида Қуръонни ёқиб юборган даниялик ҳуқуқшунос ва ўта ўнгчи Страм Курс (Қаттиқ курс) партияси асосчиси Расмус Палудан Копенгагендаги масжид олдида ҳам муқаддас китобни ёқиб юборди. Бу ҳақда Даниянинг Berlingske нашри хабар берди.
Маълум қилинишича, воқеага журналистларнинг ўзи гувоҳ бўлган. Оммавий ахборот воситалари радикаллар Туркиянинг Копенгагендаги элчихонаси яқинида ҳам худди шундай акция ўтказишни режалаштирганини айтмоқда. Дания расмийлари акция ўтказилишига рухсат берган, Палуданнинг хавфсизлигини таъминлаш учун уни полиция ўраб олган.
Бу акциядан сўнг Туркия Ташқи ишлар вазирлиги Даниянинг Анқарадаги элчисини чақиртирган. Унга расмийлар Копенгагенда Қуръонни омма олдида таҳқирлашга рухсат бергани учун норозилик билдирилган. Туркия вазирлиги бундай хатти-ҳаракатларни қабул қилиб бўлмаслигини таъкидлаб, расмий Копенгагеннинг бу борадаги позициясини қайта кўриб чиқишга умид билдирди.
21 январь куни Даниянинг ўта ўнгчи Страм Курс партияси раҳбари Расмус Палудан Туркиянинг Стокгольмдаги элчихонаси олдида Қуръонни ёқиб юборди.
Стокгольмдаги акциядан кейин Туркияда Швецияга қарши намойишлар бошланди. Мамлакатнинг Истанбулдаги Бош консуллигида оммавий акция бўлиб ўтди, унда Швеция байроғи ёқиб юборилди.
23 январь куни содир бўлган воқеалар фонида Туркия миллий мудофаа вазири Ҳулусий Акар Швеция ва Финляндия терроризмга қарши курашда Анқарага ёрдам беришни хоҳламаслигини билдирди. Айни пайтда мамлакатлар НАТОга киришда Туркиядан ёрдам кутмоқда.
23 январь Нидерландияда “Ватанпарвар европаликлар Ғарбнинг исломлашувига қарши” (ПЕГIDА) ҳаракати етакчиси Эдвин Вагенсвелд Гаагадаги Нидерландия Вакиллар палатаси биноси олдида Қуръон китобини омма олдида йиртиб, ёқиб юборди. У Расмус Палуданни қўллаб-қувватлаш учун ўтказилганини маълум қилди.
Мавзуга доир:
Изоҳ (4)
Alloh o'zi kifoya qilsin! Hali ular o'z jazosini oladi.
Qur'onni yoqqan bólsa siyosatchi emas terrorchi deb yozish kerak.
Allohni lanati bo‘lsin senday mahluqlarga joyini jahanamning layini bo‘lsin
Omin