Афғонистонда тўйиб овқатланмайдиган одамлар сони ҳозирда рекорд даражада юқорига чиққан – мамлакатнинг деярли ярим аҳолиси очликдан азият чекмоқда. Бу ҳақда Бирлашган Миллатлар Ташкилоти озиқ-овқат агентлигининг Кобулдаги вакили Филипп Кропфга таяниб, NBC News хабар берди.
Экспертнинг фикрича, ушбу мамлакатда деярли ҳар иккинчи одам очлик билан яшамоқда.
“40 миллион аҳолиси бўлган мамлакатда 7 миллион бола (5 ёшгача) ва оналар тўйиб овқатланмайди”, — деди у.
Кропфнинг сўзларига кўра, 2021 йил августида “Толибон” ҳокимиятни эгаллаб олиши миллионлаб одамларни қашшоқлик чегарасидан пастга туширди ва халқаро ёрдамни тўхтади. У Афғонистон халқи ҳали очликдан ўлмаётган бўлса-да, уларда гуманитар инқирознинг олдини олиш учун ҳеч қандай ресурс йўқлигини таъкидлади.
Аввалроқ CNN “Толибон” вакилига таяниб, Афғонистонда аномал совуқ қурбонлари 150 кишидан ошгани ҳақида хабар берганди. БМТнинг Гуманитар масалаларни мувофиқлаштириш бошқармаси афғон аҳолисига 565 минг кишига мўлжалланган кўрпа-тўшак, иситиш мосламалари ва бошпана воситалари кўринишидаги ёрдамни тарқатишни бошлаган.
Изоҳ (0)