“Ювентус”нинг қоидабузарлигида иштирок этишда гумонланаётган 16 нафар футболчи дисквалификация қилиниши мумкин

Туриннинг “Ювентус” клуби футболчилари молиявий қоидабузарликлар учун дисквалификация қилиниши мумкин. 

Эслатиб ўтамиз, 20 январь куни Турин клубидан молиявий фирибгарлик туфайли 15 очко олиб ташланган эди. “Ювентус” футболчиларнинг трансфер нархини ошириб кўрсатганликда, шунингдек, ходимлар ва ўйинчилар маошларининг ҳақиқий ҳажмини яширганликда айбланган. 

Гет Italiaн Фоотбалл News нашрининг хабар беришича, Италия футбол федерацияси (ФIGC) бу иш бўйича текширувлар бошлаган. “Ювентус”нинг 16 нафар ҳозирда жамоада тўп сурадиган ва собиқ футболчиларнинг имзолаган маошлари бир неча ойга кечиктириш бўйича келишувга эришгани федерация эътиборини тортган. 

Спорт адолат кодексига мувофиқ “федерация қоидаларини бузган ҳолда клубдан компенсация ёки мукофот олган” футболчилар 1 ойга дисквалификация қилиниши мумкин.

Юқорида тилга олинган шартномани имзолаган бир неча футболчиларнинг номлари маълум. Улар Адриэн Рабьо, Войцех Шенсни, Леонардо Бонуччи, Хуан Куадрадо, Уэстон Маккенни, Пауло Дибала (ҳозирда “Рома”да тўп сурмоқда), Artур (ҳозирда “Ливерпуль” аъзоси) ва Федерико Бернардески (“Торонто” аъзоси). 

Бу хавф Криштиану Роналдуни четлаб ўтади. Португалиялик футболчи “Ювентус” билан махфий келишув бўйича 19,9 миллион евро устида баҳслашаётган бўлса-да, шартномага имзо чекмаган.