“Арсенал” 1-ўринни сақлаб қолади, “Ливерпуль”, “Тоттенҳэм” ва “Челси” топ-4 ликда йўқ. Суперкомпьютер ҳисоб-китобларига кўра АПЛ якунлари

Англия Премьер Лигасида 21-тур баҳслари ортда қолди. Ўтган турда “Манчестер Юнайтед” “Арсенал”га ютқазди, “Ливерпуль” ва “Челси” жамоалари ўзаро нурсиз дурангга имзо чекди.

FiveThirtyEight портали ўз алгоритмлари ёрдамида 2022/23 йилги мавсум прогнозларини янгилади. Унга кўра, “Арсенал” мавсум якунига қадар пешқадамликни сақлаб қолади. Кучли тўртликдан, шунингдек, “Манчестер Сити”, “Манчестер Юнайтед” ва “Ньюкасл” жамоалари жой олади.

“Ливерпуль” ва “Тоттенҳэм” ЕЧЛга йўлланма берадиган ўринлардан қуруқ қолади. “Челси” эса 8-ўринда қайд этилган.

FiveThirtyEight суперкомпьютери мавсум бошида “Манчестер Сити”ни чемпионлик учун фаворит ҳисоблаган, “Арсенал” эса 5-ўринда бўлишини башорат қилганди.