Испаниянинг икки гранди “Реал” ва “Барселона” “Эл-Класико” брендини рўйхатдан ўтказди.
Қайд этилишича, клублар 2017 йилдаёқ бу ишни амалга оширишга уринган, бироқ рад жавобини олган. “Реал” ва “Барселона” уларнинг қарама-қаршилиги ортидан Ла Лига даромад кўришини хоҳламаяпти ва ўзларининг интеллектуал ҳуқуқларини ҳимоя қилишга қарор қилди. Бундан буён ҳар иккала клуб ўртоқлик ўйинларидан фойда кўриши ёки ўзаро ўйинлари имижидан фойдаланган ҳолда қўшма бизнес бозорини очиши мумкин бўлади.
“Эл-Класико” брендига бўлган ҳуқуқлар бўйича баҳс 2017 йилда бошланган, ўшанда Ла Лига буни рўйхатдан ўтказишига “Реал” ва “Барселона” қарши чиққан эди. Ла Лига президенти Хавьер Тебас ўзининг товар белгисини рўйхатдан ўтказишни рад этиш қарори устидан Европа Иттифоқининг Intelлектуал мулк идорасига (ЭУIPO) мурожаат қилган. Бироқ Европа Иттифоқининг умумий суди 2021 йилда Ла Лига томонидан берилган апелляцияни рад этган.
Изоҳ (0)