“Yuventus”ning qoidabuzarligida ishtirok etishda gumonlanayotgan 16 nafar futbolchi diskvalifikatsiya qilinishi mumkin

Turinning “Yuventus” klubi futbolchilari moliyaviy qoidabuzarliklar uchun diskvalifikatsiya qilinishi mumkin. 

Eslatib o‘tamiz, 20-yanvar kuni Turin klubidan moliyaviy firibgarlik tufayli 15 ochko olib tashlangan edi. “Yuventus” futbolchilarning transfer narxini oshirib ko‘rsatganlikda, shuningdek, xodimlar va o‘yinchilar maoshlarining haqiqiy hajmini yashirganlikda ayblangan. 

Get Italian Football News nashrining xabar berishicha, Italiya futbol federatsiyasi (FIGC) bu ish bo‘yicha tekshiruvlar boshlagan. “Yuventus”ning 16 nafar hozirda jamoada to‘p suradigan va sobiq futbolchilarning imzolagan maoshlari bir necha oyga kechiktirish bo‘yicha kelishuvga erishgani federatsiya e’tiborini tortgan. 

Sport adolat kodeksiga muvofiq “federatsiya qoidalarini buzgan holda klubdan kompensatsiya yoki mukofot olgan” futbolchilar 1 oyga diskvalifikatsiya qilinishi mumkin.

Yuqorida tilga olingan shartnomani imzolagan bir necha futbolchilarning nomlari ma’lum. Ular Adrien Rabyo, Voysex Shensni, Leonardo Bonuchchi, Xuan Kuadrado, Ueston Makkenni, Paulo Dibala (hozirda “Roma”da to‘p surmoqda), Artur (hozirda “Liverpul” a’zosi) va Federiko Bernardeski (“Toronto” a’zosi). 

Bu xavf Krishtianu Ronalduni chetlab o‘tadi. Portugaliyalik futbolchi “Yuventus” bilan maxfiy kelishuv bo‘yicha 19,9 million yevro ustida bahslashayotgan bo‘lsa-da, shartnomaga imzo chekmagan.