УЕФА Жаҳон Чемпионати саралаши ва Миллатлар Лигаси турнирини ислоҳ қилишни муҳокама қилади

УЕФА терма жамоалар ўртасидаги мусобақаларни ислоҳ қилишни муҳокама қилади. 

Швейцариянинг Нён шаҳрида ташкилот ижроия қўмитасининг йиғилиши бўлиб ўтади. Унда Европа мусобақаларидаги ислоҳотларга оид бир қанча саволлар муҳокама қилинади.

Дастлаб, Жаҳон Чемпионати учун янги саралаш тизими масаласи кўрилади. 2026 йилдан бошлаб Жаҳон Чемпионатида 48 та жамоа иштирок этади, улардан 16 таси Европа вакиллари. Шу муносабат билан УЕФА саралаш босқичини ўзгартиришни режалаштирмоқда.

Саралаш босқичида 4 ёки 5 та жамоадан иборат 12 та гуруҳ тузилиши мумкин. Тизимга кўра, гуруҳларда биринчи ўринни эгаллаган жамоалар тўғридан тўғри мундиалга ёълланма олади, қолган 4 та ўрин эса плей-оффда ўйналади. 

Бу кўриб чиқилаётган ягона вариант эмас, лекин жорий саралашдаги ҳар қандай ўзгаришлар ўйинлар сонини қисқартиришга қаратилган бўлади — ўтган йилларда ҳеч қандай аҳамиятга эга бўлмаган ўйинлар туфайли маълум бир телевизион аудитория ёъқотилган. 

Шунингдек, УЕФА Миллатлар Лигаси форматига ҳам ўзгартириш киритиш масаласини кўриб чиқади. Агар аввалроқ “А” лигаси гуруҳларида биринчи ўринни эгаллаган жамоалар финал тўртлигига кирган бўлса, энди иккинчи ўринни эгаллаган жамоалар ҳам иштирок этадиган плей-офф ўйинлари ҳам пайдо бўлиши мумкин. 

Қайд этилишича, УЕФА Европа чемпионатида иштирок этувчи жамоалар сонини 32 тага кенгайтиришга қарши чиққан. Янги формат 2028 йилдан бошлаб жорий этилиши кўзда тутилганди, бироқ УЕФА бу ислоҳотни режалардан чиқариб ташлашга қарор қилди. Бундай формат турнирнинг аҳамияти ва нуфузини пасайтиради деб ҳисобланмоқда.