Хитой расмий шахслари ўзаро суҳбатларида Россия президенти Владимир Путинни «телба» деб атамоқда, Пекин эса Россия Украина билан урушда ғалаба қозонишига ишонмаяпти. Бу ҳақда Sky News хабар берди.
Хитойлик амалдорлар фикрича, ХХР ҳукумати Россиядан узоқлашиши керак.
Уларнинг сўзларига кўра, Украинага бостириб кириш қарори Россия раҳбариятининг жуда тор доираси томонидан қабул қилинган ва Россияни мағлубият кутмоқда, у эса изоляциянинг кучайишига ва Россия иқтисодиётининг янада заифлашувига олиб келади.
Шунингдек, Пекин Путин Украинага нисбатан режалаштирилаётган ҳужум ҳақида Хитой раҳбариятини огоҳлантирмаганидан ҳам норози бўлган.
Аввалроқ Путин ҳужум ҳақида буйруқ бергунига қадар Россия ҳукумати Хитойни Украинага катта кўламли ҳужум бошламоқчи экани ҳақида огоҳлантирмагани ҳақида Financial Times газетаси беш нафар хитойлик юқори мансабли амалдорларга таяниб хабар берган эди.
Путин февраль ойида Пекинга ташрифи чоғида Хитой раиси Си Цзиньпинни Украинада ҳарбий операция бошлаши ҳақида огоҳлантирмаганини аввалроқ ўзи ҳам айтиб ўтганди.
Путин ва Сзинпиннинг назарда тутилаётган учрашуви 4 февраль куни Пекинда бўлиб ўтган. Ўшанда эълон қилинган қўшма баёнотда Хитой Россиянинг НАТО шарққа кенгаймаслиги ҳақидаги талабини ва Европада хавфсизлик кафолатлари бўйича бошқа таклифларни қўллаб-қувватлаганди.
Россия Украинада ҳарбий операция бошлаганидан буён Хитой бетараф позицияни эгаллаб, Украина ҳудудий яхлитлигини ёқлаб келаётганди, аммо санкциялар киритмаган. Россияда қисман сафарбарлик эълон қилингач, Пекин ҳарбий ҳаракатларга нуқта қўйиш ва томонларнинг хавфсизлик соҳасидаги хавотирларини бартараф қилиш учун уларни музокараларга чақирди.
Кейинроқ Хитой Ташқи ишлар вазирлиги томонлар дастлабки шартларсиз музокараларни қайта бошлаши кераклигини айтди.
Мавзуга доир:
Изоҳ (0)