NATOning sobiq bosh kotibi Anders Fog Rasmussenning aytishicha, Ukrainada Rossiyani mag‘lub etish Xitoyning Tayvanga ehtimoliy hujumini to‘xtatadi. Bu haqda Newsweek xabar bermoqda.
Fog Rasmussenning ta’kidlashicha, agar Rossiya bosib olingan Ukraina hududlarida o‘rnashib olsa, u “eng xavfli o‘rnakka aylanadi va dunyodagi barcha diktatorlarga harbiy agressiya samarali, degan signalni beradi”.
Siyosatchining ta’kidlashicha, G‘arb Vladimir Putin bilan munosabatlarda qilgan xatolarini Xitoy bilan takrorlamasligi kerak.
So‘nggi paytlarda Xitoy harbiy-havo kuchlarining samolyotlari Tayvan bo‘g‘ozining o‘rta chizig‘ini kesib o‘tmoqda. Tayvan esa bunga javoban jangovar samolyotlarni havoga ko‘taradi.
Xitoy yetakchisi Si Szinpin G20 sammitida AQSH prezidenti Jo Bayden bilan ikki tomonlama uchrashuvda Tayvan masalasini Xitoy—AQSH munosabatlaridagi asosiy qizil chiziq deb atagan.
Izoh (0)